کراچی : پاکستان اسٹاک ایکسچینج میں کاروباری ہفتےکے پہلے روز کاروبار کا آغاز اچھا نہ تھا لیکن احتتام مثبت رہا ۔
100 انڈیکس ایک ہزار 529 پوائنٹس اضافے سے ایک لاکھ 14 ہزار 330 پر بند ہوا ہے۔
کاروباری دن میں 100 انڈیکس 2 ہزار 716 پوائنٹس کے بینڈ میں رہا۔ انڈیکس کی بلند ترین سطح ایک لاکھ 14 ہزار 573 رہی۔
بازار میں 45 کروڑ 55 لاکھ شیئرز کے سودے ہوئے جن کی مالیت 25 ارب 88کروڑ روپے سے زائد رہی۔
مارکیٹ کیپٹلائزیشن 146 ارب روپے بڑھ کر 14ہزار 104 ارب روپے ہے۔