اسلام آباد : وفاقی وزارت صحت نے پرائیویٹ میڈیکل اور ڈینٹل کالجز کی فیس میں بڑی کمی کا فیصلہ کیا ہے۔ وزارت صحت کے اعلامیے کے مطابق رواں سال سے پرائیویٹ میڈیکل کالجز کی سالانہ فیس 12 لاکھ روپے مقرر کی جائے گی، جو اس سے قبل 30 لاکھ روپے تک وصول کی جارہی تھی۔
یہ فیصلہ ہائی پاور کمیٹی کی تجویز کے بعد کیا گیا، جو وفاقی وزارت صحت اور پی ایم ڈی سی کے افسران پر مشتمل ہے۔ کمیٹی نے اپنی تجویز نائب وزیرِ اعظم اسحاق ڈار کو بھیج دی ہے، اور اسحاق ڈار کی منظوری کے بعد تجویز پی ایم ڈی سی کونسل سے منظور کرائی جائے گی۔ وزارت صحت کے حکام نے اس حوالے سے اسحاق ڈار کو دو خطوط بھی لکھے ہیں۔