لاہور : رمضان المبارک کے دوران سکولوں کے اوقات کار میں تبدیلی کی گئی ہے۔ نئے شیڈول کے مطابق رمضان میں سکول صبح ساڑھے آٹھ بجے شروع ہوں گے اور دوپہر ایک بجے تک چھٹی ہوگی۔ جمعہ کے روز سکولوں میں چھٹی ساڑھے بارہ بجے ہوگی۔
ڈبل شفٹ والے سکولوں میں پہلی شفٹ کا آغاز ساڑھے آٹھ بجے ہوگا اور چھٹی ساڑھے بارہ بجے ہوگی، جبکہ دوسری شفٹ کا آغاز ایک بجے ہوگا اور چھٹی چار بجے ہوگی۔ جمعہ کے دن دوسری شفٹ کا آغاز اڑھائی بجے ہوگا اور چھٹی پانچ بجے ہوگی۔
