اسلام آباد : پاکستان بار کونسل کے نمائندہ سینئر ایڈووکیٹ اختر حسین نے جوڈیشل کمیشن آف پاکستان کی رکنیت سے استعفیٰ دے دیا۔
اپنے استعفے میں اختر حسین نے لکھا کہ انہیں پاکستان بار کونسل نے آئین پاکستان 1973 کے آرٹیکل 175 (A) (2) (vi) کے تحت تین مرتبہ جوڈیشل کمیشن کا رکن نامزد کیا تھا اور وہ اپنی ذمہ داریوں کو بہترین صلاحیتوں کے مطابق نبھاتے رہے۔
انہوں نے کہا کہ حالیہ عدالتی تقرریوں سے متعلق تنازعات کی وجہ سے وہ مزید اس عہدے پر کام جاری نہیں رکھ سکتے اور اسی بناء پر جوڈیشل کمیشن کی رکنیت سے مستعفی ہو رہے ہیں۔ اختر حسین نے اپنے استعفے کی نقل پاکستان بار کونسل کو ارسال کر دی تاکہ آئین کے مطابق ان کی جگہ نیا رکن مقرر کیا جا سکے۔
