کراچی : پاکستان سٹاک ایکسچینج میں کاروبار کے آغاز پر ملا جلا رجحان رہا، جہاں 100 انڈیکس میں 25 پوائنٹس کا اضافہ ریکارڈ کیا گیا، تاہم تھوڑی دیر بعد یہ منفی میں تبدیل ہو گیا اور انڈیکس 112,462 پوائنٹس پر ٹریڈ کرتا دکھائی دیا۔ گزشتہ ہفتے سٹاک مارکیٹ مجموعی طور پر مثبت زون میں رہی، تاہم ہفتے کے آخری دن اتار چڑھاؤ کا سامنا رہا۔
دوسری جانب، ایکسچینج کمپنیز ایسوسی ایشن کے مطابق انٹر بینک میں ڈالر کی قیمت 7 پیسے سستی ہو گئی، جس کے بعد ڈالر 279 روپے 50 پیسے پر ٹریڈ کر رہا ہے۔ دلچسپ بات یہ ہے کہ گزشتہ دو ہفتوں سے کاروبار کے آغاز پر ڈالر کی قیمت میں کمی دیکھنے کو ملتی ہے، لیکن کاروبار کے اختتام پر ڈالر دوبارہ مہنگا ہو جاتا ہے۔