راولپنڈی : آئی سی سی چیمپئنز ٹرافی کے چھٹے گروپ میچ میں آج نیوزی لینڈ اور بنگلا دیش آمنے سامنے ہوں گے۔ دونوں ٹیموں کے درمیان یہ اہم میچ راولپنڈی کرکٹ سٹیڈیم میں دوپہر دو بجے کھیلا جائے گا۔
بنگلا دیش کی قیادت نجم الحسن شنٹو کریں گے، جبکہ نیوزی لینڈ کی ٹیم کا قائد مچل سینٹنر ہوگا۔ یہ دونوں ٹیمیں اپنے گروپ کے دوسرے میچ میں مدمقابل ہوں گی۔ نیوزی لینڈ نے اپنے پہلے میچ میں پاکستان کو شکست دی تھی، جبکہ بنگلا دیش کو بھارت کے ہاتھوں شکست کا سامنا کرنا پڑا تھا۔ یہ میچ دونوں ٹیموں کے لیے ٹورنامنٹ میں اپنی پوزیشن مضبوط کرنے کے لیے اہم ہوگا۔