لاہور : آج نامور گلوکار محمد رفیع کے چاہنے والے ان کی 99 ویں سالگرہ منا رہے ہیں۔ محمد رفیع 24 دسمبر 1924ء کو امرتسر میں پیدا ہوئے اور 1944ء میں اپنے فلمی کیریئر کا آغاز کیا۔ انہوں نے بالی ووڈ میں ایسا مقام حاصل کیا جو کم ہی کسی اور گلوکار کے نصیب میں آیا۔
محمد رفیع کی آواز نے نہ صرف اردو، بلکہ مراٹھی اور تیلگو فلموں میں بھی اپنے جادو سے سامعین کو مسحور کیا۔ ان کے گائے ہوئے گانے آج بھی سننے والوں کے دلوں میں ایک خاص مقام رکھتے ہیں۔ محمد رفیع کو اپنی بہترین گلوکاری پر 6 بار فلم فیئر ایوارڈ اور پدما شری جیسے اعزازات سے نوازا گیا۔ ان کے انتقال کے 20 سال بعد انہیں "سنگر آف ملینیم" کے اعزاز سے بھی نوازا گیا۔ ان کی آواز اور موسیقی کا اثر ہمیشہ برقرار رہے گا اور ان کے گانے ہمیشہ لوگوں کے دلوں میں زندہ رہیں گے۔
