عمران خان اور اسد عمر کی جرمانے کے خلاف اپیلیں خارج

اسلام آباد: الیکشن کمیشن آف پاکستان (ای سی پی) نے انتخابی ضابطہ اخلاق کی خلاف ورزی پر پاکستان تحریک انصاف (پی ٹی آئی) کے چیئرمین عمران خان اور اسد عمر کی جرمانے کیخلاف اپیلیں خارج کر دیں۔ 
تفصیلات کے مطابق الیکشن کمیشن کے 4 رکنی بنچ نے ڈی ایم او لوئر دیر کی جانب سے ضابطہ اخلاق کی خلاف ورزی پر عمران خان اور اسد عمر پر عائد کردہ جرمانے کے خلاف اپیلوں پر سماعت کی۔ 
پی ٹی آئی چیئرمین عمران خان اور اسد عمر کی جانب سے کوئی بھی الیکشن کمیشن میں پیش نہ ہوا تو الیکشن کمیشن نے عدم پیروی پر عمران خان، اسد عمر کی جرمانے کیخلاف اپیلیں خارج کر دیں۔
الیکشن کمیشن نے پاکستان تحریک انصاف (پی ٹی آئی) کے دونوں رہنماؤں کو ضابطہ اخلاق کی خلاف ورزی پر 50، 50 ہزار روپے جرمانہ ادا کرنے کا حکم دیا۔