اسلام آباد:سانحہ اے پی ایس کے زخمی طالبعلم احمد نواز نے شاندار کارنامہ انجام دیتے ہوئے جی سی ایس ای کے امتحان میں 6اے پلس اور2اے حاصل کرلئے جس پر ڈی جی آئی ایس پی آر کی جانب سے مبارکباد دی گئی ہے۔
پاک فوج کے شعبہ تعلقاتِ عامہ کے ڈائریکٹر جنرل میجر آصف غفور نے آرمی پبلک سکول حملے میں نشانہ بننے والے پاکستانی طالبعلم احمد نواز کو جی سی ایس ای امتحان میں نمایاں اعزاز کے ساتھ کامیابی حاصل کرنے پر مبارکباد دی اور مستقبل کے لیے نیک خواہشات کا اظہار کیا۔
سماجی رابطے کی ویب سائٹ ٹویٹر پر طالبعلم احمد نواز کے لیے دیے گئے پیغام میں میجر جنرل آصف غفور کا مزید کہنا تھا کہ’ آپ نے اپنی ہمت، مضبوط ارادے اور تعلیم کی طاقت سے دشمنوں کو شکست دے کر ہم سب کا سر فکر سے بلند کردیا، گڈ لک احمد نواز، آپ مستقبل میں بھی ایسی کامیابیاں سمیٹتے رہو۔‘
Congrats and well done dear @Ahmadnawazaps. You made us all proud and defeated evil forces through your courage, determination and power of education. Good luck for your future pursuits. Stay blessed. https://t.co/p2Ar0hkeg6
— Maj Gen Asif Ghafoor (@OfficialDGISPR) August 23, 2018
خیال رہے کہ احمد نواز نے برطانوی امتحان میں کل 8 پرچو ں میں سے 6 پرچوں میں اے گریڈ جبکہ 2 پرچوں میں اے ون گریڈ حاصل کیے اور اس بات کا اعلان انہوں نے ایک ٹویٹ کے ذریعے کیا جس کے بعد معروف شخصیات سمیت بہت سے افراد کی جانب سے انہیں مبارکباد دینے اور نیک خواہشات کے اظہار کا تانتا بندھ گیا۔
احمد نے امتحان میں نمایاں اعزاز سے کامیابی حاصل کرنے پر خوشی کا اظہار کیا اور مزید تعلیم کے لیے آکسفورڈ یونیورسٹی میں داخلے کا فیصلہ کیا ہے۔
My International GCSE exam result just came out and I am very proud to announce that I got
— Ahmad Nawaz (@Ahmadnawazaps) August 23, 2018
“ 6A*s & 2As “ in my All eight(8) exams
Thanks to my parents and all of you for supporting me.
This is a big success for me and takes me many steps closer to my admission in Oxford Uni. pic.twitter.com/mDkw6ONdnD
واضح رہے کہ احمد نواز جو اب برطانیہ میں زیرتعلیم ہیں، آرمی پبلک سکول کے طالبعلم تھے اور 2014 میں دہشت گردی کے حملے میں زخمی ہوئے تھے جبکہ اسی سکول میں زیر تعلیم ان کے بھائی حارث نواز اس حملے میں شہید ہوگئے تھے۔
