کراچی : مسلم لیگ ن کی نائب صدر مریم نواز آج کراچی پہنچ رہی ہیں۔ مریم نواز این اے 249 کے ضمنی الیکشن میں مفتاح اسماعیل کی الیکشن مہم میں حصہ لیں گی۔
نیو نیوز کے مطابق مریم نواز کو ایئرپورٹ سے ریلی کی شکل میں اندرون شہر لے جایا جائے گا۔بسم اللہ چوک میں جلسے سے خطاب کریں کی.
مریم نواز اپنے دورے کے دوران دیگر انتخابی ریلیوں اور کارنر میٹنگ سے خطاب علاوہ پارٹی رہنماؤں سے بھی ملاقات کریں گی۔ ۔پی ڈی ایم سے علیحدگی کے بعد سندھ میں مریم نواز کا یہ پہلا شو آپ پاور ہو گا۔
واضح رہے کہ الیکشن کمیشن نے این اے 249 ضمنی انتخاب کے لیے 29 اپریل کو پولنگ کا اعلان کیا ہوا ہے۔این اے 249 کی سیٹ فیصل واوڈا کے سینیٹر بننے کے بعد خالی ہوئی تھی۔
ادھر الیکشن کمیشن کی درخواست پر حلقے میں 28 سے30 اپریل تک رینجرز تعینات کردی گئی ہے۔ رینجرز تعیناتی ضمنی انتخاب کے موقع پر پرامن ماحول میں پولنگ یقینی بنانے کے لیے ہے۔تعیناتی کے دوران رینجرز الیکشن کمیشن اور محکمہ داخلہ سندھ سے رابطے میں ہوگی۔
دوسری طرف الیکشن کمیشن نے انتخاب ملتوی کرنے کی سندھ حکومت ، پی ٹی آئی اور ایم کیو ایم کی درخواست مسترد کرتے ہوئے انتخاب 29 اپریل کو ہی کرانے کا فیصلہ کیا ہے۔
