سابقہ اداکارہ میا خلیفہ نے چپکے سے شادی کرلی

نیو یارک:فحش فلموں کی سابق اداکارہ، سوشل میڈیا سٹار اور سپورٹس اینکر میا خلیفہ کے حوالے سے خبریں ہیں کہ انہوں نے شادی کرلی۔

یہ خبر ایک ایسے وقت میں سامنے آئی ہے جب کہ کچھ دن قبل یہ خبریں سامنے آئی تھیں کہ انہوں نے لاک ڈاون کی وجہ سے اپنی شادی ملتوی کردی۔

لبنانی نژاد امریکی ماڈل اور سوشل میڈیا سٹار 27 سالہ میا خلیفہ نے چند ماہ قبل منگنی کی تھی اور اپریل میں شادی کرنے کا عندیہ دیا تھا مگر دنیا بھر میں کورونا وائرس کے باعث لاک ڈاون ہونے کی وجہ سے چند دن قبل خبر سامنے آئی کہ انہوں نے اپنی شادی ملتوی کردی۔

لیکن اب خبر سامنے آئی ہے کہ انہوں نے لاک ڈاون میں خفیہ طور پر محدود لوگوں کی موجودگی میں شادی کرلی۔میا خلیفہ نے لاک ڈاؤن کے دوران اپنے منگیتر روبرٹ سینڈبرگ کے ساتھ قرنطینہ کرلیا تھا اور اس دوران وہ سوشل میڈیا پر کئی ویڈیوز بھی پوسٹ کرتی نظر آئیں۔جبکہ حال ہی میں انسٹاگرام پر پوسٹ کردہ ایک ویڈیو میں سابق اداکارہ نے اپنے منگیتر کو شوہر کہہ کر مخاطب کیا۔