لاہور: پاکستان سپر لیگ (پی ایس ایل) کی فرنچائز پشاور زلمی کے کپتان ڈیرن سیمی جلد ہی پاکستان آنے والے ہیں۔پشاور زلمی کے مالک جاوید آفریدی نے ٹوئٹر پر اپنے پیغام میں مداحوں کو آگاہ کیا کہ ڈیرن سیمی جلد پاکستان آرہے ہیں، جہاں وہ ’سالانہ زلمی ایکسیلینس ایوارڈز‘ تقریب میں شرکت کریں گے۔
The announcement fans across the country have been waiting for. Our very own Khpal Kaptaan @darensammy88 is coming to Pakistan to attend the Zalmi Annual Excellence Awards. Very few captains in franchise cricket are loved as much as you are.#ZalmiPTVAwards pic.twitter.com/zburPwYp5a
— Javed Afridi (@JAfridi10) April 23, 2018
جاوید آفریدی نے مزید لکھا کہ فرنچائز کرکٹ میں بہت کم کپتان ہیں جنہیں ڈیرن سیمی جتنا پیار اور محبت ملتی ہے۔سالانہ زلمی ایکسیلینس ایوارڈز کی تقریب اسلام آباد میں رواں ماہ 30 اپریل کو منعقد کی جائے گی۔
واضح رہے کہ ڈیرن سیمی کو کراچی کی بریانی سے لے کر پاکستان کی ثقافت کا ہر رنگ متاثر کرتا ہے، جس کا اظہار وہ اکثر ٹوئٹر پر کرتے رہتے ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
