ایشین گیمز کا ہیش ٹیگ،ماورہ حسین کو شدید تنقید کا سامنا

متفرق خبریں انٹرٹینمینٹ 
 
ایشین گیمز کا ہیش ٹیگ،ماورہ حسین کو شدید تنقید کا سامنا
کیپشن: تصویر بشکریہ ٹوئٹر

لاہور: کرکٹ کے شائقین اور ٹوئٹر صارفین کی جانب سے معروف پاکستانی اداکارہ ماورہ حسین کو شدید تنقید کا نشانہ بنایا جا رہا ہے کیونکہ انہوں نے اپنی ٹویٹ میں پاکستانی ٹیم کی کامیابی پر ایشیا کپ کے بجائے ایشین گیمز کا ہیش ٹیگ استعمال کیا تھا۔


تفصیلات کے مطابق ٹوئٹر پر اپنے بیان میں ماورہ حسین نے شعیب ملک کی کارکردگی کو قابل ستائش قرار دیتے ہوئے لکھا کہ شکر! کیا زبردست میچ تھا ساتھ ہی اداکارہ نے ایشیا کپ 2018 کا ہیش ٹیگ استعمال کرنے کے بجائے ایشین گیمز 2018 استعمال کیا۔ تاہم ان کی اس ٹوئٹ پر ان کا مذاق بھی بنایا جارہا ہے اور تنقید کا نشانہ بھی۔شعیب ملک نے ماورہ حسین کا شکریہ ادا کیا لیکن ایشین گیمز 2018 کی غلطی پر غور نہیں کیا۔

پاکستان اور جنوبی افریقہ کے درمیان دوسرا ایک روزہ میچ آج کھیلا جائے گا


بعد ازاں مداحوں نے اداکارہ کی غلطی کو پکڑ لیا اور انہیں شدید تنقید کا نشانہ بھی بنایا اور اس پر مذاق بھی اڑایا۔


ارسم نامی صارف نے لکھا کہ ہمیں بھی سمجھا دیں یہ ایشن گیمز میں کرکٹ کہاں سے آگئی۔ اظہر نامی صارف نے اداکارہ کی ٹوئٹ پر تبصرہ کرتے ہوئے شعیب ملک سے سوال کیا کہ بھائی آپ ایشیا کپ 2018 کھیل رہے ہیں یا ایشین گیمز 2018؟ایک عبدل نامی صارف نے ماورہ حسین کی تصحیح کرتے ہوئے بتایا کہ یہ 'ایشیا کپ' ہے۔

تیونس میں تارکین وطن کی کشتی ڈوبنے سے 20 افراد ہلاک


نوید میمن نامی صارف نے لکھا کہ ’یہ تو تازہ خبر ہے ایشین گیمز 2018 میں بھی شعیب ملک اچھا کھیلے‘۔