میں نے استعفیٰ نہیں دیا ،افواہیں نہ پھیلائی جائیں:وزیر اعلیٰ جام کمال 

کوئٹہ :وزیر اعلیٰ بلوچستان جام کمال نے کہا کہ میں  نے استعفیٰ نہیں دیا ،اس وقت میڈیا پر افواہیں پھیلائی جا رہی ہیں ۔

جام کمال نے استعفیٰ سے متعلق میڈیا پر چلنے والی خبروں کی تردید کرتے ہوئے کہا کہ میں نے استعفیٰ کا اعلان نہیں کیا ،افواہیں نہ پھیلائی جائیں ۔

I have not resigned and such rumors may not spread.

— Jam Kamal Khan (@jam_kamal) October 23, 2021

قبل ازیں وزیراعلیٰ جام کمال سے وزیر دفاع پرویز خٹک  اور چیئرمین سینیٹ صادق سنجرانی نے ملاقات کی دونوں نے انہیں مستعفی ہونے پر راضی کیا ۔ 

واضح رہے کہ وزیراعلیٰ بلوچستان جام کمال کے خلاف ان کی پارٹی کے ایم پی ایز نے اپوزیشن کے ساتھ مل کر تحریک عدم اعتماد  پیش کی تھی ۔

رکن اسمبلی سردار عبدالرحمان کھیتران نے وزیراعلیٰ کے خلاف تحریک عدم اعتماد پیش کی جس کی 65 ارکان پر مشتمل بلوچستان اسمبلی کے 33 ارکان نے تحریک عدم اعتماد پیش کرنے کی حمایت کی تھی۔