کراچی: پولیس اور رینجرز کی مشترکہ کارروائی میں کراچی کے علاقے پرانا گولیمار سے کالعدم بی ایل اے کے 7 کارندے گرفتار کر لیے گئے ہیں۔
پولیس نے ملزمان کے قبضے سے 8 نائن ایم ایم پسٹل، 550 مختلف اقسام کی گولیاں، 16 موبائل فونز، 2700 گرام تنزانیہ، 1280 گرام آئس، 4 وائی فائی ڈیوائسز، ایک موٹر سائیکل اور نقدی برآمد کی ہے۔
ملزمان نے تفتیش کے دوران اعتراف کیا کہ وہ بی ایل اے کی مالی معاونت کے ساتھ ساتھ ٹارگٹ کلنگ، منشیات فروشی، ڈکیتیوں اور سٹریٹ کرائم کی وارداتیں کرتے تھے۔