اسلام آباد : وزیراعظم عمران خان نے کرتارپور راہداری کے افتتاح پر نوجوت سنگھ سدھوکو دورہ پاکستان کی دعوت دے دی ، جسے نوجوت سنگھ سدھونے دعوت قبول کرتے ہوئے کہا مجھے تقریب میں مدعو کئے جانا باعث فخر ہے۔
تفصیلات کے مطابق وزیراعظم عمران خان کی ایک بارپھرنوجوت سنگھ سدھو کو دورہ پاکستان کی دعوت دے دی، وزیراعظم نے سدھو کو کرتارپور بارڈر کھولے جانے کی تقریب میں مدعو کیا ہے۔بھارتی کرکٹرنوجوت سنگھ سدھو کو وزیراعظم عمران خان کی جانب سے دعوت نامہ موصول ہوگیا ہے ، سدھو نے کہا کہ عمران خان بارہ کروڑنانک پیروکاروں کے لئے تبدیلی لے آئے، میرےدوست وزیراعظم عمران خان نے مجھے بلاکرعزت مان دیاہے۔
نوجوت سنگھ سدھو کا کہنا تھا کہ دوست جو وزیراعظم بن گیا،بابا نانک کے در پر مجھےبلاتا ہے، مجھے تقریب میں مدعو کئے جاناباعث فخرہے، تقریب میں شامل ہوکرخوشی محسوس ہوگی۔
خیال رہے وزیراعظم عمران خان کرتارپورکوریڈور کا افتتاح 28 نومبر کو کریں گے۔یاد رہے بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر کرتارپور کوریڈور کھولنے پر شکریہ ادا کیا تھا اور بھارتی کابینہ نے کرتارپور بارڈر تک کوریڈورکی تعمیر کی منظوری دے دی تھی۔
