اسلام آباد: پی ٹی آئی رہنما شاہ محمود قریشی اور مسرت جمشید چیمہ کو رہائی کے بعد دوبارہ گرفتار کرلیاگیا ہے ۔پاکستان تحریک انصاف کے رہنما شاہ محمود قریشی کو رہائی کے بعد دوبارہ گرفتار کیاگیا ہے ۔ ان کو اڈیالہ جیل کے باہر سے گرفتار کیاگیاہے ۔شاہ محمود قریشی کو پنجاب پولیس نے دوبارہ گرفتار کیا ہے۔
اسلام آباد ہائیکورٹ نے پی ٹی آئی رہنما شاہ محمود قریشی کو رہا کرنے کا حکم دیاتھا۔ پاکستان تحریک انصاف کے رہنما شاہ محمود قریشی کے وکلا نے بیان حلفی جمع کروا دیا تھا ۔ اسلام آباد ہائیکورٹ کے جسٹس میاں گل حسن اورنگزیب نے شاہ محمود قریشی کی رہائی بیان حلفی سے مشروط کی تھی۔
شاہ محمود قریشی کو اڈیالہ جیل کے باہر سے دوبارہ گرفتار کیا گیا
— PTI (@PTIofficial) May 23, 2023
شاہ محمود قریشی کی بیٹی کی پولیس سے ملنے کی درخواست
ایک منٹ ملاقات کے بعد شاہ محمود قریشی کو پولیس حراست میں لے کر روانہ
پارٹی چھوڑ نہیں رہا پارٹی کے ساتھ ہوں پارٹی کیساتھ ہی رہوں گا ۔ شاہ محمود قریشی pic.twitter.com/lIpXjXG4Eh
پی ٹی آئی رہنما شاہ محمود قریشی کی گرفتاری تھری ایم پی او کے تحت عمل میں لائی گئی تھی ۔ تاہم بیان حلفی نہ جمع کرنے کی وجہ سے ان کی رہائی کا معاملہ لٹکا ہوا تھا ۔
پی ٹی آئی رہنما مسرت جمشید چیمہ بھی رہائی کے بعد دوبارہ گرفتار کرلی گئی ہیں۔ مسرت جمشید چیمہ کو ڈیالہ جیل کے باہر سے گرفتار کیاگیا ہے ۔تحریک انصاف کی رہنما کو بھی پنجاب پولیس نے دوبارہ گرفتارکیا ہے ۔مسرت جمشید چیمہ کے شوہر جمشید چیمہ کو بھی رہائی کے بعد دوبارہ گرفتار کرلیاگیا۔ ان کی مسرت جمشید سے ملاقات بھی نہیں کرائی گئی۔ ان کوبھی پنجاب پولیس نے گرفتار کیا ہے۔
