راولپنڈی: پاک فوج نے ایل اوسی پرپاکستانی پوسٹ تباہ کرنے کا بھارتی دعویٰ مسترد کر دیا۔ آئی ایس پی آر کے مطابق ایل او سی نوشہرہ کے قریب پاکستانی چیک پوسٹ تباہ کرنے کا بھارتی دعوی جھوٹ پر مبنی ہے جبکہ پاکستان کی جانب سے بھارتی شہریوں پر وار کرنے کا بھارتی دعوی بھی من گھڑت ہے۔
PR275/17
— Maj Gen Asif Ghafoor (@OfficialDGISPR) May 23, 2017
Indian claims of destroying Pakistani post along LOC in Naushera Sec and firing by Pak Army on civilians across LOC are false.
پاک فوج کی جانب سے لائن آف کنٹرول پر شہری آبادی پر فائرنگ کا بھارتی الزام بھی سراسر جھوٹ ہے۔ واضح رہے اس سے پہلے بھی متعدد بار جنگی جنوں میں مبتلا بھارتی فوج اس طرح کے من گھڑت دعوے کر چکی ہے۔
گزشتہ دنوں پاک فوج نے بھارت کے ان دعوؤں کو سختی سے مسترد کر دیا تھا جن میں کہا گیا تھا کہ پاکستانی فوج نے لائن آف کنٹرول پر جنگ بندی کی خلاف ورزی کرتے ہوئے دو ہندوستانی فوجیوں کو ہلاک کرنے کے بعد ان کی لاشوں کو مسخ کر دیا تھا۔
آئی ایس پی آر کے جاری بیان میں کہا گیا تھا کہ پاک فوج اعلیٰ اور پروفیشنل آرمی ہے اور کسی بھی فوجی کی بے توقیری نہیں کرتی چاہے وہ بھارتی ہی کیوں نہ ہو۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
