اسلام آباد : عیدالفطر کے موقع پر تعلیمی اداروں میں چھٹیوں کا اعلان کر دیا گیا ہے، اور اس حوالے سے باقاعدہ نوٹیفکیشن بھی جاری کر دیا گیا ہے۔ وفاقی وزارت تعلیم کی جانب سے نوٹیفکیشن جاری کیا گیا ہے جس میں کہا گیا ہے کہ سرکاری تعلیمی اداروں میں تعطیلات 31 مارچ سے 4 اپریل تک ہوں گی، اور نئے تعلیمی سیشن کا آغاز 7 اپریل سے ہوگا۔
دوسری جانب حکومت پنجاب نے بھی عید کی تعطیلات کے حوالے سے اپنا نوٹیفکیشن جاری کیا ہے، جس کے مطابق تعلیمی ادارے عیدالفطر کے موقع پر 31 مارچ سے 2 اپریل تک تین دن کے لیے بند رہیں گے۔
محکمہ موسمیات نے عید الفطر 31 مارچ کو ہونے کی پیشگوئی کی ہے، جس کے مطابق عید کے دنوں میں تعلیمی اداروں میں تعطیلات ہوں گی۔