کراچی: شہر قائد کے علاقے نارتھ کراچی میں شادی کی تقریب کے دوران اسٹیج گرنے سے 12 سالہ بچہ جاں بحق ہو گیا۔
پولیس کے مطابق نارتھ کراچی کے سیکٹر 11 بی سی میں شادی کی تقریب میں اسٹیج گرنے سے 12 سالہ لڑکا جاں بحق ہوگیا۔جبکہ 3 بچوں سمیت 4 افراد زخمی ہوگئے۔پولیس کا کہنا ہے کہ زخمی ہونے والوں اسپتال منتقل کر دیا گیا ہے جبکہ ذمہ داروں کے خلاف قانونی کارروائی کی جائے گی۔
جاں بحق ہونے والے لڑکے کی شناخت یوسف کے نام سے ہوئی ہے۔ پولیس نے بتایا کہ وہ شادی کی تقریب میں اسٹیج کے نیچے موجود تھا جب اسٹیج ٹوٹ کر اس پر آگرا۔
دوسری جانب پریڈی تھانے کی حدود میں فائرنگ سے سابق ایس ایچ او سمیت 2 افراد جاں بحق ہوگئے۔ پولیس نے ملزمان کے خلاف درج مقدمے میں قتل اور انسداد دہشت گردی کی دفعات شامل کیں۔
