راولپنڈی: پاک فوج کے شعبہ تعلقات عامہ (آئی ایس پی آر) کے مطابق، پاک بحریہ نے گیارہویں بار ٹاسک فورس 151 کی قیادت سنبھال لی ہے۔ کمان کی تبدیلی کی تقریب بحرین میں کمبائنڈ میری ٹائم فورسز ہیڈکوارٹرز میں منعقد ہوئی، جس میں پاکستان اور ترکیہ کے سفیروں سمیت دیگر سفارتی و عسکری شخصیات نے شرکت کی۔
آئی ایس پی آر کے مطابق، کموڈور سہیل احمد عظمی کو کمبائنڈ ٹاسک فورس-151 کا نیا کمانڈر مقرر کیا گیا ہے، اور اس سے قبل یہ کمانڈ ترک بحریہ کے پاس تھی۔ کموڈور سہیل احمد عظمی نے کہا کہ پاک بحریہ خطے میں امن و استحکام کے فروغ کے لیے دیگر ممالک کی بحری افواج کے ساتھ تعاون جاری رکھے گی۔
کمبائنڈ ٹاسک فورس-151 میری ٹائم سیکیورٹی، بحری قزاقی اور سمندر میں دہشت گردی کی روک تھام کے لیے کام کرتی ہے۔