اسلام آباد: وفاقی وزیر منصوبہ بندی و ترقی اسدعمر نے کہا ہے کہ نواز شریف کی لندن روانگی سے متعلق میرے بیان کو گھما پھرا کر پیش کیا گیا۔
ٹوئٹر پر جاری بیان میں اسد عمر نے لکھا کہ ٹی وی پروگرام میں گفتگو ہو رہی تھی کہ فیصلے وزیراعظم کرتے ہیں یا کوئی اور کرتا ہے میں نےاس پر کہا تھا کہ تمام فیصلے وزیراعظم کرتے ہیں۔
انہوں نے لکھا کہ اسی تناظر میں نواز شریف کی روانگی سےمتعلق سوال ہواتھا پروگرام میں بتایا گیا میں نے کہا ہے نواز شریف کو بھیجنےکا فیصلہ عمران خان کا تھا میں نےبتایا کہ اس معاملے پرمشاورت ہوئی اورکابینہ میں حتمی فیصلہ ہوا۔
Spin being given to an answer of mine regarding nawaz sharif exit abroad. The discussion was about whether the PM takes decisions or someone else imposes decisions. I stated that the PM takes decisions. I was asked about the nawaz sharif exit decision in that context (1/2)
— Asad Umar (@Asad_Umar) January 23, 2022
وفاقی وزیر نے واضح کیا کہ میں نے کہا تھا کسی نےفیصلہ ہم پر مسلط نہیں کیا بلکہ وزیراعظم نےفیصلہ کیا میں نے بھی نواز شریف کی روانگی کےحق میں ووٹ دیا تھا بعد میں معلوم ہواجن رپورٹس پرروانگی کی اجازت دی وہ جھوٹی تھیں۔
