لاہور : دنیا بھر کے مسلمان اس وقت رمضان المبارک کی تیاریوں میں مصروف ہیں، لیکن چند سالوں بعد ایک منفرد اور خوشگوار موقع آئے گا جب مسلمان ایک سال میں دو مرتبہ ماہِ رمضان کا استقبال کریں گے۔ یہ نایاب اور خوبصورت واقعہ ہر 33 سال بعد ہوتا ہے، جس میں مسلمان دو مرتبہ رمضان المبارک کو پاتے ہیں اور اس کے ذریعے زیادہ ثواب اور برکتیں حاصل کرتے ہیں۔
فلکیاتی حساب کے مطابق، 2030ء میں دنیا بھر کے مسلمان دو مرتبہ رمضان المبارک کا آغاز کریں گے۔ پہلے رمضان کا آغاز 4 جنوری 2030ء کو ہوگا، اور دوسرا رمضان 26 دسمبر 2030ء کو شروع ہونے کا امکان ہے۔ اس طرح، 2030ء میں مسلمان ایک سال میں 36 روزے رکھیں گے۔
اس سے قبل، ایک عیسوی سال میں دو مرتبہ رمضان المبارک کا آغاز آخری مرتبہ 1997ء میں ہوا تھا، اور 2030ء کے بعد یہ نایاب موقع دوبارہ 2063ء سے پہلے نہیں آئے گا۔