لاہور:پی ایس ایل کا بخار ہر کسی کے سر چڑھ کر بول رہا ہے ،ایسے میں سپیشل پرسن معید نے بھی چیئرمین پی سی بی سے خواہش کا اظہار کرتے ہوئے کہا کہ وہیل چیئر کیساتھ پورٹیبل وینٹی لیٹر بھی استعمال کرتا ہوں لیکن وینٹی لیٹر کیلئے انہیں سٹیڈیم میں بجلی کا کنکشن درکار ہو گا ،اگر چیئر مین پی سی بی اس کا بندو بست کر دیں تو وہ با آسانی اپنے کرکٹ کا جنون پورا کر سکتے ہیں ۔
چیئرمین پی سی بی نے جیسے ہی سپیشل پرسن معید کا ٹوئٹ دیکھا تو اس کیلئے نہ صرف بجلی کا انتظام کیا بلکہ اُسے چیئرمین باکس میں ہی بلا لیا جہاں معید نے بیٹھ کر لائیو میچ دیکھا۔
Pleasure to host you. Long life and happiness. ❤️???? pic.twitter.com/yb90sMPJuC
— Ramiz Raja (@iramizraja) February 19, 2022
معید نے دو روز قبل ٹوئٹر پر چیئرمین پی سی بی رمیز راجہ سے اپیل کی تھی میں وہیل چیئر کے ساتھ پورٹیبل وینٹی لیٹر استعمال کرتا ہوں، انضمام الحق انکلوژر کا ٹکٹ بک کیا ہے لیکن مجھے وینٹی لیٹر کوچارج کرنے کے لیے بجلی کا کنکشن چاہیے۔
@mueed31111 is in good shape today, near an electrical socket to cater to his portable ventilator connection. You can relax now Mueed and watch the game without any hassle. We love you ???? pic.twitter.com/oPqtxV1S3N
— Ramiz Raja (@iramizraja) February 23, 2022
چیئرمین رمیز راجہ نے معید کے ٹوئٹ پر اسے چیئرمین باکس میں ہی بلالیا،رمیز راجہ نے پورٹیبل وینٹی لیٹر کے چارجنگ پر لگے ہونے کی ویڈیو بھی اپلوڈ کردی۔چیئرمین پی سی پی نے کہاکہ امید کرتا ہوں معید آپ میچ کو بھرپور انجوائے کررہے ہوں گے۔
