کراچی: اینٹی وہیکل لفٹنگ سیل (AVLC) نے ڈوپلیکیٹ چابی بنا کر اپنے ہی دوست کی گاڑی چوری کرنے والے ملزم کو گرفتار کر لیا۔
پولیس حکام کے مطابق اے وی ایل سی گڈاپ نے کارروائی کرتے ہوئے ملزم عباس کو گرفتار کیا، جس نے اپنے ہی دوست کی گاڑی چوری کر کے جیکب آباد بھیجی تھی۔ ملزم کے قبضے سے چوری کی گئی گاڑی بھی برآمد کر لی گئی۔
حکام نے بتایا کہ ملزم عباس نے گاڑی واپس دلانے کے لیے اپنے دوست سے ساڑھے پانچ لاکھ روپے وصول کیے تھے۔ پولیس کے مطابق یہ واقعہ 29 اکتوبر 2024 کو تھانہ سچل میں درج کیا گیا تھا اور ملزم کو سی سی ٹی وی فوٹیج، ٹیکنیکل اور خفیہ معلومات کی بنیاد پر گرفتار کیا گیا۔