لاہور/اسلام آباد: وزیراعظم محمد شہباز شریف اور وزیراعلیٰ پنجاب مریم نواز نے جنوبی افریقہ کے خلاف ون ڈے سیریز میں وائٹ واش کرنے پر قومی کرکٹ ٹیم کو مبارکباد دی ہے۔
وزیراعظم شہباز شریف نے قومی کرکٹ ٹیم کی شاندار کارکردگی کو سراہتے ہوئے کہا کہ ٹیم نے سیریز کے تمام میچز اپنے نام کیے اور اس دوران بہترین کھیل کا مظاہرہ کیا۔ انہوں نے پاکستان کرکٹ بورڈ کے چیئرمین سید محسن رضا نقوی اور ٹیم مینجمنٹ کی محنت کی بھی تعریف کی اور امید ظاہر کی کہ یہ کامیابیاں مستقبل میں بھی جاری رہیں گی۔
وزیراعلیٰ پنجاب مریم نواز نے کہا کہ قومی کرکٹ ٹیم نے شاندار کھیل کا مظاہرہ کیا اور قوم کے دل جیتے۔ انہوں نے خاص طور پر صائم ایوب، سلمان آغا، سفیان مقیم اور دیگر کھلاڑیوں کی عمدہ پرفارمنس کو سراہا۔
وزیراعلیٰ نے مزید کہا کہ پاکستانی کرکٹ ٹیم نے جنوبی افریقہ کے خلاف اپنی برتری ثابت کردی ہے اور امید ہے کہ جیت کا یہ تسلسل برقرار رہے گا۔