راولپنڈی: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ فرانس سے بغل گیر ہونا اور اسرائیل میں وفد بھیجنا سوالیہ نشان ہے، پی ڈی ایم کی الٹی گنتی شروع ہو گئی۔
تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں شیخ رشید احمد نے لکھا ’2 کروڑ لوگ مزید خط غربت کی لکیر سے نیچے جا چکے ہیں۔ پیٹرول پر 2 ارب روزانہ غریب کی جیب سے خزانے میں جا رہا ہے۔ پہلے خزانے پر ڈاکہ مارتے تھے، اب غریب کی جیب پر ڈاکہ مار رہے ہیں۔ پی ڈی ایم کی الٹی گنتی شروع ہو گئی ہے۔ فرانس سے بغل گیر ہونا اور اسرائیل میں وفد بھیجنا سوالیہ نشان ہے۔ اسلام آباد 27 کلومیٹر کی بڑی جیل بن گیا ہے۔‘
2کروڑ لوگ مزیدخط غربت کی لکیرسےنیچےجاچکےہیں۔پیٹرول پر2ارب روزانہ غریب کی جیب سےخزانےمیں جارہاہے۔ پہلےخزانے پرڈاکہ مارتےتھےاب غریب کی جیب پرڈاکہ ماررہے ہیںPDMکی الٹی گنتی شروع ہوگئی ہےفرانس سےبغل گیر ہونااوراسرائیل میں وفدبھیجناسوالیہ نشان ہےاسلام آباد27کلومیٹر کی بڑی جیل بن گیاہے
— Sheikh Rashid Ahmed (@ShkhRasheed) September 22, 2022
ایک اور ٹویٹ میں انہوں نے لکھا ’72 میں سے 22 وزراءبے محکمہ ہیں۔ اس پر ہائیکورٹ میں رٹ دائر کر دی ہے۔ غریب کو آٹا نہیں مل رہا، یہ امریکہ کے 7 سٹار ہوٹلوں میں سیر سپاٹے کر رہے ہیں۔ مصنوعی اقتدار کو بچانے کیلئے اپنی عوام پر ڈرون سے آنسو گیس کے گولے ماریں گے۔ دنیا باتیں کر رہی ہے، امداد نہیں دے رہی۔ بند گلی میں جانا ہے یا الیکشن کرانا ہے، فیصلہ جلد ہو جائے گا۔‘
72میں سے22وزراء بےمحکمہ ہیں،اس پرہائیکورٹ میں رٹ دائرکردی ہے۔غریب کوآٹانہیں مل رہایہ امریکہ کے7سٹارہوٹلوں میں سیرسپاٹےکررہےہیں۔مصنوعی اقتدارکوبچانےکےلیےاپنی عوام پرڈرون سےآنسو گیس کےگولےماریں گےدنیاباتیں کررہی ہے،امدادنہیں دے ری۔بندگلی میں جاناہےیاالیکشن کراناہے،فیصلہ جلدہوجائےگا
— Sheikh Rashid Ahmed (@ShkhRasheed) September 22, 2022
