تدمر : شام کے شہر تدمر میں اسرائیلی فضائی حملے میں ایرانی حمایت یافتہ 79 جنگجو ہلاک ہو گئے ہیں۔
شامی مانیٹرنگ گروپ کے مطابق، یہ حملہ گزشتہ روز کیا گیا تھا، جس میں 53 شامی، 22 غیرملکی اور 4 حزب اللہ کے حمایتی جنگجو ہلاک ہوئے۔
مانیٹرنگ گروپ نے بتایا کہ اسرائیلی طیاروں نے ایرانی حمایت یافتہ گروپوں کے اجلاس کو نشانہ بنایا تھا۔ تاہم، عرب میڈیا کے مطابق، شامی حکام نے تدمر میں ہونے والے اسرائیلی حملے میں اموات کی تعداد 36 بتائی ہے۔
