ماؤنٹ مونگانوئی: پاکستان اور نیوزی لینڈ کی کرکٹ ٹیموں کے درمیان پانچ میچوں کی ٹی 20 سیریز کا چوتھا میچ کل (اتوار) کو ماؤنٹ مونگانوئی میں کھیلا جائے گا۔
نیوزی لینڈ کو سیریز میں 1-2 کی برتری حاصل ہے۔ ابتدائی دو میچوں میں میزبان ٹیم نے 9 اور 5 وکٹوں سے کامیابی حاصل کر کے برتری قائم کی تھی، تاہم تیسرے میچ میں پاکستان نے شاندار کم بیک کرتے ہوئے 9 وکٹوں سے کامیابی حاصل کی اور سیریز میں کم بیک کیا۔
پاکستان ٹیم کی قیادت سلمان علی آغا کر رہے ہیں، جبکہ نیوزی لینڈ کی ٹیم مائیکل بریسویل کی زیر قیادت میدان میں اترے گی۔
سیریز کا پانچواں اور آخری ٹی 20 میچ 26 مارچ کو ویلنگٹن میں کھیلا جائے گا۔