سپریم کورٹ میں کیسز کی سماعت کے لیے اگلے ہفتے کا روسٹر جاری

اسلام آباد: سپریم کورٹ آف پاکستان نے 24 مارچ سے 28 مارچ 2025 تک کیسز کی سماعت کے لیے ججز کا روسٹر جاری کر دیا ہے، جس کے مطابق مختلف رجسٹریز میں کل چار بینچز تشکیل دیے گئے ہیں۔چیف جسٹس یحییٰ آفریدی کی سربراہی میں پہلا بینچ مقدمات کی سماعت کرے گا، جس میں جسٹس میاں گل حسن اورنگزیب بھی شامل ہیں۔
دوسرا بینچ جسٹس جمال خان مندوخیل کی قیادت میں کام کرے گا، جس میں جسٹس اطہر من اللہ اور جسٹس شہزاد احمد خان بھی شامل ہوں گے۔تیسرے بینچ کی سربراہی جسٹس نعیم اختر افغان کریں گے اور جسٹس اشتیاق ابراہیم بھی اس بینچ کا حصہ ہوں گے۔
چوتھے بینچ کی سربراہی جسٹس سردار طارق مسعود کریں گے، جس میں جسٹس مظہر عالم خان میاں خیل شامل ہوں گے۔سپریم کورٹ لاہور رجسٹری میں کیسز کی سماعت کے لیے تین بینچز تشکیل دیے گئے ہیں، جن میں     پہلے بینچ میں جسٹس منصور علی شاہ اور جسٹس عائشہ ملک شامل ہوں گے۔    دوسرے بینچ میں جسٹس امین الدین اور جسٹس شاہد وحید، جبکہ تیسرے بینچ میں جسٹس شاہد بلال حسن اور جسٹس عامر فاروق شامل ہیں۔
سپریم کورٹ کراچی رجسٹری میں کیسز کی سماعت کے لیے بھی تین بینچز تشکیل دیے گئے ہیں۔    پہلے بینچ میں جسٹس منیب اختر اور جسٹس حسن اظہر رضوی، دوسرے بینچ میں جسٹس محمد علی مظہر اور جسٹس عقیل احمد عباسی، اور تیسرے بینچ میں جسٹس عرفان سعادت خان اور جسٹس محمد شفیع صدیقی شامل ہوں گے۔
سپریم کورٹ پشاور رجسٹری میں کیسز کی سماعت کے لیے ایک بینچ تشکیل دیا گیا ہے، جس کی سربراہی جسٹس مسرت ہلالی کریں گے اور جسٹس شکیل احمد اس بینچ کا حصہ ہوں گے۔