اسلام آباد :وزیراعظم پاکستان، شہباز شریف، سعودی عرب کا کامیاب دورہ مکمل کرکے وطن واپس پہنچ گئے ہیں۔ گورنر جدہ، شہزادہ سعود بن عبد اللہ بن جلاوی نے وزیراعظم کو جدہ ایئرپورٹ سے رخصت کیا۔
وزیراعظم نے 19 سے 22 مارچ 2025 تک سعودی عرب کا سرکاری دورہ کیا، جس کا مقصد دونوں ممالک کے مابین اقتصادی تعلقات کو مستحکم کرنا اور سرمایہ کاری کے مواقع بڑھانا تھا۔ اس دوران وزیراعظم نے سعودی ولی عہد محمد بن سلمان کے ساتھ ملاقات کی، جس میں تجارت اور اقتصادی تعاون کو فروغ دینے پر تبادلہ خیال کیا گیا۔ وزیراعظم نے سعودی وزیر سرمایہ کاری خالد الفالح اور اقتصادی امور کے ٹاسک فورس کے سربراہ محمد التجویری سے بھی ملاقات کی، جس میں سعودی عرب سے پاکستان میں مزید سرمایہ کاری لانے کی حکمت عملی پر گفتگو کی گئی۔
دورے کے اختتام پر وزیراعظم نے مدینہ منورہ میں مسجد نبوی میں حاضری دی اور مکہ مکرمہ میں عمرہ بھی ادا کیا۔