لاہور: پاکستان کرکٹ ٹیم کے سابق کپتان اظہر علی کی والدہ انتقال کر گئی ہیں جن کی نماز جنازہ آج رات 10 بجے ویلنشیا ٹاﺅن میں ادا کی جائے گی، اظہر علی نے مداحوں سے دعائے مغفرت کی اپیل کی ہے۔
تفصیلات کے مطابق قومی ٹیم کے سابق کپتان اظہر علی نے سماجی رابطوں کی ویب سائٹ ٹوئٹر پر جاری پیغام میں بتایا ’میری والدہ آج سہ پہر انتقال کر گئیں، انا للہ وانا علیہ راجعون۔۔۔ جلد ہی آپ کو جنازے سے متعلق معلومات فراہم کر دی جائیں گی لیکن برائے مہربانی جنازے میں شرکت کے بعد کوویڈ 19 ایس او پیز پر عمل ضرور کریں، برائے مہربانی میری والدہ کی مغفرت کیلئے بھی دعا کریں۔‘
My mother has passed away this afternoon inna lillah hi wa inna eliehi rajion.. soon will inform details regarding janaza but I have request to follow SOP’s for COVID when attending the janaza. Plz make dua for her
— Azhar Ali (@AzharAli_) March 22, 2021
اظہر علی نے اپنی پہلی ٹویٹ کے کچھ ہی دیر بعد دوسری ٹویٹ میں نماز جنازہ سے متعلق بھی بتایا اور لکھا ’میری پیاری والدہ کی نماز جنازہ رات 10 بجے ویلنشیا ٹاﺅن بی بلاک مین پارک کے قریب ادا کی جائے گی۔ برائے مہربانی اس دوران کورونا وائرس کیلئے وضع کردہ ایس او پیز اور سماجی فاصلے کا خیال ضرور رکھیں۔‘
Namaz-e-Janaza of my beloved mother will be at 10pm tonight. Venue is B block park opposite main masjid Valancia town.. plz plz follow SOP’s of COVID keep social distancing. Jazzak Allah
— Azhar Ali (@AzharAli_) March 22, 2021
