اسلام آباد : پاکستان نے ایران سے سفارتی تعلقات بحال کرنے کا اعلان کردیا ہے۔ دونوں ملکوں کے سفیر 26 جنوری کو اپنے اپنے فرائض سنبھال لیں گے۔
دفتر خارجہ کی طرف سے جاری پریس ریلیز میں کہا گیا ہے کہ پاکستانی اور ایرانی وزرائے خارجہ کے درمیان ہونے والی بات چیت کے بعد یہ طے پایا ہے کہ دونوں ممالک کے سفیر 26 جنوری کو اپنے اپنے فرائض سنبھال لیں گے۔
🔊: PR NO. 2️⃣3️⃣/2️⃣0️⃣2️⃣4️⃣
— Ministry of Foreign Affairs - Pakistan (@ForeignOfficePk) January 22, 2024
Joint Press Statement of the Islamic Republic of Pakistan and the Islamic Republic of Iran
🔗⬇️ https://t.co/4ScCGZJKPz pic.twitter.com/7ajcpnkZrz
بیان میں مزید کہا گیا ہے کہ نگران وزیر خارجہ جلیل عباس جیلانی کی دعوت پر ایرانی وزیر خارجہ 29 جنوری کو پاکستان کا دورہ کر یں گے۔
واضح رہے کہ گزشتہ ہفتے ایران کی طرف سے پاکستان پر حملے کے بعد پاکستان نے بھی بھرپور جوابی کارروائی کی تھی ۔ ایران سے سفارتی تعلقات ختم کرکے اپنے سفیر کو واپس بلالیا تھا جبکہ ایرانی سفیر کو کہا تھا کہ وہ واپس اسلام آباد نہ آئیں۔
