پی ایس ایل، پشاور زلمی کے غیر ملکی کھلاڑیوں کی پاکستان آمد 

کراچی: پاکستان سپر لیگ (پی ایس ایل) کے غیر ملکی کھلاڑی ٹام کوہلر کیڈمور اور حضرت اللہ زازئی بھی ٹورنامنٹ کے ساتویں ایڈیشن میں شرکت کیلئے کراچی پہنچ گئے ہیں۔ 
تفصیلات کے مطابق بین کٹنگ کے علاوہ پشاور زلمی کے تمام غیر ملکی کھلاڑی اور کوئٹہ گلیڈی ایٹرز کے آل راؤنڈرز جیمز فالکنر اور ویل سمیڈ پی ایس ایل کے ساتویں ایڈیشن میں شرکت کیلئے کراچی پہنچ گئے ہیں۔ 
پشاور زلمی کے کراچی پہنچنے والے غیر ملکی کھلاڑیوں میں پیٹ براؤن، شرفین ردرفورڈ، میٹ پارکنسن، ٹام کوہلر کیڈمور اور حضرت اللہ زازئی شامل ہیں 
ذرائع کا کہنا ہے کہ بین کٹنگ بگ بیش لیگ (بی بی ایل) کے بعد ٹیم کو جوائن کریں گے جبکہ ثاقب محمود اور لائم لیونگ سٹون انگلینڈ ویسٹ انڈیز سیریز کے بعد ٹیم کو جوائن کریں گے۔
واضح رہے کہ پاکستان سپر لیگ (پی ایس ایل) 7 کا آغاز 27 جنوری کو نیشنل سٹیڈیم کراچی سے ہو گا جہاں 7 فروری تک میچز کھیلے جائیں گے جبکہ 10 سے 27 فروری تک قذافی سٹیڈیم لاہور میں میچز ہوں گے۔