اسلام آباد:اسلام آباد ہائیکورٹ بار نے اسلام آباد ہائیکورٹ کی ججز سنیارٹی لسٹ کو سپریم کورٹ میں چیلنج کر دیا ہے۔ درخواست اسلام آباد ہائیکورٹ بار کے صدر ریاست علی آزاد کی جانب سے آرٹیکل 184/3 کے تحت دائر ہوئی ہے۔
درخواست میں کہا گیا ہے کہ ججز کو ایک ہائیکورٹ سے دوسری ہائیکورٹ میں بغیر کسی مفاد عامہ کے منتقل نہیں کیا جا سکتا۔ اس ضمن میں یہ بھی استدعا کی گئی ہے کہ سپریم کورٹ صدر کے اختیار کو محدود کرے، کیونکہ آرٹیکل 200 کی شق ایک کے تحت صدر کو ججز کے تبادلے کا لامحدود اختیار نہیں ہونا چاہیے۔
اس معاملے میں اسلام آباد ہائیکورٹ کے پانچ ججز بھی سنیارٹی کے معاملے پر سپریم کورٹ سے رجوع کر چکے ہیں۔
