لندن : برطانیہ کی ایک سپرمارکیٹ سے خریدا گیا ایک نایاب انڈا 250 امریکی ڈالر (تقریباً 70 ہزار پاکستانی روپے) میں نیلام کیا گیا اور اس سے حاصل ہونے والی رقم ایک خیراتی ادارے کو عطیہ کر دی گئی۔
یہ انڈا اپنی غیر معمولی شکل کی وجہ سے عالمی توجہ کا مرکز بن گیا۔ اس کی خاص بات یہ ہے کہ یہ بیضوی شکل کا نہیں، بلکہ مکمل طور پر گول ہے، جو کہ عام انڈوں سے بہت مختلف ہے۔ یہ نایاب انڈا برک شائر کے علاقے لمبورن کے رہائشی ایڈ پونل نے 150 پاؤنڈ (تقریباً 52 ہزار پاکستانی روپے) میں خریدا تھا۔ انڈا ایک برطانوی سپر مارکیٹ کے گروسری سٹور سے خریدا گیا تھا، اور بعد میں اسے خیرات کے لیے نیلامی میں پیش کیا گیا۔ اس نیلامی سے حاصل ہونے والی تمام رقم ایک خیراتی ادارے کو عطیہ کر دی گئی۔
