لاہور:سرگودھا یونیورسٹی کے سی ای او پروفیسر جاوید کی جیل سے اسپتال منتقلی کی نئی ویڈیو سامنے آگئی ہے جس کے مطابق جب ان کو جیل سے اسپتال منتقل کا گیا تو اس وقت ان کو ہتھکڑیاں نہیں لگی ہوئی تھیں۔
میڈیارپورٹس کے مطابق سرگودھا یونیورسٹی کی چیف ایگزیکٹو آفیسر پروفیسر جاوید کی جیل سے ہسپتال منتقلی کی نئی ویڈیو سامنے آئی ہے جس کے مطابق ان کو جیل سے ہسپتال منتقل کرتے وقت ہتھکڑیاں نہیں لگی ہوئی تھیں، ڈی آئی جی جیل کے مطابق پروفیسر کو پولیس اہلکاروں نے ہتھکڑیاں اسپتال کی ایمرجنسی میں لگائیں۔
واضح رہے کہ سرگودھا یونیورسٹی کے سی ای او پروفیسر جاوید کو نیب نے سرگودھا یونیورسٹی کے جعلی کیمپس کے قیام کے سلسلے میں گرفتار کیا تھا ۔جہاں ان کو دل کا دورہ پڑا جس پران کو ہسپتال منتقل کیا گیا لیکن وہ جانبر نہ ہوسکے ۔