کیپٹن کاشف شہید سپرد خاک، نماز جنازہ میں آرمی چیف کی بھی شرکت

اہم خبریں پاکستان 
 
کیپٹن کاشف شہید سپرد خاک، نماز جنازہ میں آرمی چیف کی بھی شرکت
سورس: فائل فوٹو

راولپنڈی : بلوچستان کے علاقے گچک میں شہید  ہونے والے  کیپٹن کاشف  کی نماز جنازہ ادا کردی گئی ۔  چیف آف آرمی سٹاف جنرل قمر جاوید باجوہ   نے بھی شرکت کی ۔شہید کو پورے فوجی اعزاز کے ساتھ سپرد خاک کیا گیا 

آئی ایس پی آر کے مطابق کیپٹن کاشف شہید کی نماز جنازہ راولپنڈی میں ادا کی گئی ۔ چیف آف آرمی سٹاف جنرل قمر جاوید باجوہ نے نماز جنازہ میں شرکت کی۔اعلی عسکری حکام،مختلف شعبہ ہائے زندگی سے تعلق رکھنے والے افراد اور شہید کے عزیز و اقارب نےبھی  نماز جنازہ میں شرکت کی۔ 

پاکستان کے مختلف شہروں میں موسلا دھار بارشیں، سردی کی شدت میں اضافہ

 کیپٹن کاشف گزشتہ رات بلوچستان کے علاقے گچک میں شہید ہوگئے تھے۔کیپٹن کاشف کی گاڑی دیسی ساختہ بارودی سرنگ کا نشانہ بنی تھی ۔