پنجاب حکومت کا ایئرایمبولینس سروس شروع کرنے کا اعلان

اہم خبریں علاقائی پنجاب 
 
پنجاب حکومت کا ایئرایمبولینس سروس شروع کرنے کا اعلان

لاہور : پنجاب حکومت کا ایک اور مثالی اقدام ۔ ریسکیو ائیر ایمبولینس سروس شروع کرنے کا اعلان کردیا۔ 

نیو نیوز کے مطابق وزیر اعلیٰ کی زیرصدارت اعلیٰ سطح کا اجلاس ہوا جس میں ریسکیو ائیرایمبولینس سروس شروع کرنے کے لئے اقدامات کا جائزہ لیا گیا۔ وزیراعلی نے ریسکیو ائیر ایمبولینس سروس سے متعلقہ امور جلد از جلد نمٹانے کی ہدایت کی۔

اس موقع پروزیراعلیٰ عثمان بزدار کا کہنا تھا کہ ہر انسانی جان قیمتی ہے اور بروقت علاج معالجہ ہر فرد کا حق ہے- ریسکیو ائیرایمبولینس کے اجرا کے لئے فوری طور پر ضروری اقدامات  کیے جائیں۔

پاکستانیوں کی تنخواہوں میں اضافہ مہنگائی کے مطابق نہیں ہوا:مفتاح اسماعیل

انہوں نے کہا کہ ریسکیو ائیر ایمبولینس کے آغاز سے ریسکیو سروسز کو نئی شناخت ملے گی۔پنجاب خطے میں ریسکیو ائیر ایمبولینس شروع کرنے والا پہلا صوبہ ہوگا- ریسکیو ائیر ایمبولینس سروس سے دور دراز علاقوں تک ریسکیو کا دائرہ کار وسیع ہو گا-