کراچی: کاروباری ہفتے کے دوسرے دن پاکستان سٹاک ایکسچینج کا آغاز مثبت رہا۔ 100 انڈیکس میں 218 پوائنٹس کا اضافہ ہوا، جس کے بعد انڈیکس 118,602 پوائنٹس کی سطح پر پہنچ گیا۔
دوسری طرف کرنسی مارکیٹ میں ڈالر کی قیمت میں معمولی کمی دیکھنے میں آئی۔ ایکسچینج کمپنیز ایسوسی ایشن کے مطابق انٹر بینک میں ڈالر 15 پیسے سستا ہو کر 280 روپے 72 پیسے پر آ گیا۔ یاد رہے کہ گزشتہ روز بھی دن کے آغاز میں ڈالر کی قیمت میں کمی ہوئی تھی، مگر کاروبار کے اختتام پر ڈالر دوبارہ مہنگا ہو گیا تھا۔