واشنگٹن: امریکا کے سابق صدر ڈونلڈ ٹرمپ کی عوامی مقبولیت میں مزید کمی آ گئی ہے۔ رائٹرز اور اپسوس کے تازہ ترین سروے کے مطابق اب صرف 42 فیصد امریکی شہری ٹرمپ کو سپورٹ کر رہے ہیں، جب کہ تین ہفتے پہلے یہ شرح 43 فیصد تھی۔
سروے کے نتائج کے مطابق، 57 فیصد لوگوں نے ٹرمپ کی جانب سے یونیورسٹیوں کی فنڈنگ روکنے کے فیصلے کی مخالفت کی، اور 59 فیصد نے یہ رائے دی کہ امریکا عالمی سطح پر اپنی ساکھ کھو رہا ہے۔
زیادہ تر لوگوں نے ٹرمپ کے دوبارہ صدر بننے کے ارادے کو بھی ناپسند کیا۔ 75 فیصد شرکاء کا کہنا تھا کہ ٹرمپ کو تیسری بار صدر بننے کی کوشش نہیں کرنی چاہیے، اور دلچسپ بات یہ ہے کہ ان میں سے کئی ٹرمپ کے سابق حامی بھی تھے کیونکہ سروے میں شامل 53 فیصد افراد وہ تھے جو کبھی ٹرمپ کے حامی رہ چکے ہیں۔
یاد رہے کہ ٹرمپ نے صدر بنتے ہی کئی متنازع فیصلے کیے اور متعدد ایگزیکٹو آرڈرز پر دستخط کیے تھے، جن پر انہیں شدید تنقید کا سامنا بھی کرنا پڑا تھا۔