کراچی:پاکستان شوبز انڈسٹری کے معروف جوڑے صدف کنول اورشہروز سبزواری کے ہاں پہلے بچے کی پیدائش جلد متوقع ہے۔
تفصیلات کے مطابق نجی ٹی وی کے پروگرام میں شہروز سبزواری کے والد اداکار بہروز سبزواری نے بھی تصدیق کرتے ہوئے بتایا کہ دونوں کے ہاں ننھے مہمان کی جلد آمد متوقع ہے۔انہوں نے صدف کنول کےحاملہ ہونے کی خبر کی تصدیق کی اور کہا کہ وہ جلد دوبارہ دادا بننے والے ہیں۔
شہروز کی سابقہ اہلیہ سائرہ یوسف کے حوالے سے بات کرتے ہوئے بہروز سبزواری نے کہا کہ سائرہ میری بیٹی کی طرح ہے، اگردونوں ساتھ نہیں رہ سکے تو اس کا مطلب یہ نہیں ہے کہ ایک دوسرے کی بے عزتی کی جائے۔
View this post on Instagram
واضح رہے کہ سوشل میڈیا پر چند ہفتوں سے افواہیں گردش کر رہی تھیں کہ شہروزسبزواری کی اہلیہ صدف کنول حاملہ ہیں تاہم جوڑے کی طرف سے اس حوالے سے کوئی تصدیق نہیں آئی تھی۔
