لاہور: بلائنڈ ٹی ٹوئنٹی ورلڈ کپ 2024 کے لیے سری لنکا کی بلائنڈ کرکٹ ٹیم پاکستان پہنچ گئی۔ لاہور ایئرپورٹ پر پاکستان بلائنڈ کرکٹ کونسل کے عہدیداران نے ان کا شاندار استقبال کیا۔
سری لنکا کی ٹیم کی آمد کے ساتھ ہی افغانستان اور جنوبی افریقہ کی ٹیمیں بھی پاکستان پہنچ چکی ہیں۔ نیپال کی بلائنڈ کرکٹ ٹیم آج واہگہ کے راستے لاہور پہنچے گی، جبکہ بنگلہ دیش کی ٹیم آج رات لاہور پہنچنے والی ہے۔
واضح رہے کہ بلائنڈ ٹی ٹوئنٹی ورلڈ کپ 23 نومبر سے لاہور میں شروع ہو رہا ہے، جس میں دنیا بھر کی معذور کرکٹرز کی ٹیمیں حصہ لے رہی ہیں۔ یہ ایونٹ ایک اہم عالمی کرکٹ مقابلہ ہے جس میں مختلف ممالک کی ٹیمیں اپنی صلاحیتوں کا مظاہرہ کریں گی۔
