اسلام آباد: اسلام آباد ائیر پورٹ پر کرغزستان سے مزید طلبہ کی واپسی جاری ہے۔ آج صبح پرواز اے این کے 4575 کے زریعے 180 طلبہ اسلام آباد پہنچے۔پرواز الصبح پانچ بج کر چھبیس منٹ پر اسلام آباد انٹرنیشنل ائیرپورٹ پر لینڈ ہوئی۔
قومی ائیر لائن کی پہلی پرواز بھی طلبہ کو لیکر اسلام آباد پہنچ گئی ، پرواز پی کے 6252 پر 7:56 پر اسلام آباد پہنچی جس کے زریعے 167 طالبعلم اسلام آباد انٹرنیشنل ائیرپورٹ پر پہنچے۔
آج ان دونوں پروازوں سے تقریبا 347 طلبہ بشکیک سے وطن واپس اسلام پہنچے۔
واضح رہے کہ اب تک مجموعمی طور پر پانچ پروازوں پر اسلام آباد پہنچنے والے طلبہ کی تعداد 810 ہو چکی ہے۔