اسلام آباد : قومی اسمبلی میں اپوزیشن لیڈرعمر ایوب نے کہا ہے کہ ایوب خان کے مارشل لا کی بات کرنے والوں سے پوچھیں نواز شریف نے کیا کیا تھا۔
بابر اعوان کے ساتھ میڈیا سے گفتگو کرتے عمر ایوب نے کہا کہ پنجاب میں ہتک عزت کا کالا قانون بنایا گیا ہے ۔اس قانون کے خلاف قومی اور صوبائی اسمبلی میں مزاحمت کریں گے ۔آئین کے مطابق کسی کی زبان بندی نہیں کی جاسکتی ۔ دو ادارے آمنے سامنے نہیں آسکتے۔ایوب خان کے مارشل لا کی بات کرنے والوں سے پوچھیں نوازشریف نے کیا کیا تھا۔
بابراعوان نے کہا پنجاب حکومت نے صحافیوں کا گلا گھونٹنے کے لیے قانون بنایا ہے یہ قانون عدالتوں میں چیلنج کیا جائے گا۔پنجاب حکومت اور وزیراعلیٰ توہین عدالت کررہے ہیں۔ملزمان کو کیسز میں شامل تفتیش ہونے نہیں دیا جارہاہے۔