کراچی : کاروباری ہفتے کے آخری دن پاکستان سٹاک ایکسچینج میں زبردست تیزی دیکھنے کو ملی، جہاں 100 انڈیکس نے 630 پوائنٹس کے اضافے کے ساتھ ایک لاکھ 19 ہزار 400 پوائنٹس کو عبور کیا۔
سٹاک مارکیٹ میں اس تیزی کے باعث سرمایہ کاروں کو اربوں روپے کا فائدہ ہوا۔ جمعہ کے روز کاروبار کے اختتام پر 100 انڈیکس ایک لاکھ 18 ہزار 770 پوائنٹس پر بند ہوا تھا۔ دوسری جانب، انٹربینک مارکیٹ میں ڈالر کی قیمت میں 20 پیسے کی کمی آئی ہے۔ ایکسچینج کمپنیز ایسوسی ایشن کے مطابق، انٹر بینک میں ڈالر کی قیمت 280 روپے 3 پیسے ہو گئی ہے۔