روبوٹ  کی دبئی ساحل پر پٹرولنگ ، ای سکوٹر کی خلاف ورزیوں کی نشاندھی کرے گا

دبئی: ای سکوٹر کی  خلاف ورزیوں کی  نشاندھی کے لیے روبوٹ نے دبئی کے ساحل  پر پٹرولنگ شروع کردی ہے۔ اے آئی ٹیکنالوجی سے تیار کردی  روبوٹ  ای سکوٹر کی خلاف ورزیوں کی نشاندھی کرے گا۔  تاہم روبوٹ  کے گشت کے  دوران   ایک حفاظتی افسر ہنگامی صورتحال میں مدد کے لیے موجود  ہوتا ہے تاکہ کسی بھی قسم کی ہنگامی صورتحال سے نمٹا جاسکے ۔   
اے آئی ٹیکنالوجی سے چلنے والا یہ روبوٹ پانچ فٹ کا ہے  اور اس کا وزن 200 کلوگرام ہے۔  اس میں کیمروں کے ساتھ ساتھ  چار موشن سینسرز  بھی ہیں۔  روڈز اینڈ ٹرانسپورٹ اتھارٹی  کی جانب سے اس روبوٹ کو  سائیکلوں اور الیکٹرک سکوٹروں کے استعمال کرنے والوں کی جانب سے کی جانے والی خلاف ورزیوں کا پتہ لگانے کے لیے تعینات کیا گیا ہے۔ تاہم ابھی غلطی کرنے والے سواروں کو کوئی جرمانہ نہیں  کیاگیا ہے۔  یہ  ایک ماہ تک آزمائشی طور پر گشت کررہا ہے۔ 
اس کا مقصدان خلاف ورزیوں کی نشاندھی ہے جیسے کہ  سوار  نے  ہیلمٹ  کا استعمال نہیں کیا   یا ای سکوٹر پر زیادہ سوار، نیز پارکنگ اور غیر مجاز علاقوں جیسے جاگنگ ٹریکس میں ای سکوٹر استعمال کرنا شامل ہیں۔
کہا جارہا ہے کہ   اگلے 30 دنوں تک، روبوٹ جمیرہ بیچ 3 کے واکنگ اور سائیکلنگ ٹریک کے ساتھ تقریباً 600 میٹر کے رقبے پر بھی گشت کرے گا اور مختلف کام سرانجام دے گا ۔
فی الحال، روبوٹ 85 فیصد درستگی کے ساتھ 2 کلومیٹر تک نگرانی کی رسائی کے ساتھ خلاف ورزیوں کی نشاندہی کر سکتا ہے۔ یہ دبئی پولیس اور آر ٹی اے جیسے حکام کو 5 سیکنڈ کے اندر ڈیٹا فراہم کر سکتا ہے۔ روبوٹ کو مختلف موسمی حالات میں موثر طریقے سے کام کرنے کے لیے ڈیزائن کیا گیا ہے۔ جب یہ 1.5 میٹر کے اندر کسی بھی چیز یا فرد کا پتہ لگاتا ہے تو یہ مکمل طور پر رک جاتا ہے ۔  اس طرح "دبئی میں تمام سڑک استعمال کرنے والوں کی حفاظت اور حفاظت کو یقینی بنانا ہے۔