اسلام آباد: پاکستان کے ہائر ایجوکیشن کمیشن (ایچ ای سی) نے منگل کو ایک نوٹس جاری کیا جس میں ملک بھر کے کسی بھی اعلیٰ تعلیمی ادارے میں ہولی منانے پر پابندی عائد کردی گئی۔ یہ نوٹس اسلام آباد کی قائداعظم یونیورسٹی میں ہولی کی تقریبات کی کئی ویڈیوز سوشل میڈیا پر وائرل ہونے کے بعد سامنے آیا ہے۔
ایچ ای سی کے نوٹس کے مطابق طلباء کو "سماجی ثقافتی اقدار" کی پاسداری کے لیے اس تہوار کی پیروی کرنے سے منع کیا گیا ہے۔ نوٹس میں لکھا گیا کہ اس طرح کی سرگرمیاں ملک کی سماجی ثقافتی اقدار سے مکمل طور پر منقطع ہونے کی تصویر کشی کرتی ہیں اور ملک کے اسلامی تشخص کو ختم کر رہی ہیں۔
کمیشن نے کہا "یونیورسٹی کے پلیٹ فارم سے اس وسیع پیمانے پر مشہور ہونے والے واقعے نے تشویش پیدا کی ہے اور اس نے ملک کی شبیہہ کو بری طرح متاثر کیا ہے۔"
HEC notified HEIs about on campus celebrations of events and festivals including recent event of Holi at Quaid-i-Azam University Islamabad @hecpkofficial @QAU_Official @timeshighered pic.twitter.com/DbIstGcs94
— QAU News (@NewsQau) June 21, 2023
بیان میں کہا گیا ہے کہ اعلیٰ تعلیمی ادارے ہوشیاری کے ساتھ ایسی تمام سرگرمیوں سے خود کو دور رکھیں جو ظاہری طور پر ملک کی شناخت اور معاشرتی اقدار سے مطابقت نہیں رکھتیں، اور اس بات کو یقینی بنائیں کہ طلباء اور اساتذہ تعلیمی سرگرمیوں، فکری مباحثوں اور علمی تعلیم میں اپنے آپ کو سختی کے ساتھ شامل کریں ۔
واضح ر ہے کہ یہ نوٹس 12 جون کو اسلام آباد کی قائداعظم یونیورسٹی (QAU) میں ہولی کے جشن کی تصاویر اور ویڈیوز کے سوشل میڈیا پر وائرل ہونے کے بعد سامنے آیا، جس میں ہولی کی تقریب میں طلباءکی کثیر تؑعداد کو رنگوں سے ہولی کھیلتے اور کالج کیمپس میں جشن کا لطف اٹھاتے دیکھا جا سکتا ہے۔ اطلاعات کے مطابق یہ تقریب یونیورسٹی کی ایک غیر سیاسی ثقافتی تنظیم مہران اسٹوڈنٹس کونسل نے منعقد کی تھی۔
