کراچی: اوور سیز پاکستانیوں نے روشن ڈیجیٹل اکاؤنٹس میں ایک دن میں رقم جمع کرانے کا نیا ریکارڈ قائم کر دیا ہے اور جمع شدہ رقوم کی مالیت 4.5 ارب ڈالر سے بھی تجاوز کر دی گئی ہے۔
تفصیلات کے مطابق سٹیٹ بینک آف پاکستان (ایس بی پی) کی جانب سے جاری بیان میں بتایا گیا ہے کہ سمندر پار پاکستانیوں نے روشن ڈیجیٹل اکاؤنٹس میں ایک دن میں 57 ملین ڈالر کی رقوم جمع کرائیں جس کے بعد جمع شدہ رقوم کی مالیت 4.5 ارب ڈالر سے تجاوز کرگئی ہے۔
سٹیٹ بینک آف پاکستان کے مطابق اوورسیز پاکستانیوں کی جانب سے ایک دن میں جمع کرائی گئی اب تک کی سب سے زیادہ رقوم ہیں اور جمع شدہ رقم روشن ڈیجیٹل اکاؤنٹس میں کسی ایک دن کا ریکارڈ ڈیپازٹ ہے۔
Today marks yet another historic day in #RoshanDigitalAccount, with $57mn in deposit inflows, highest ever daily figure. With this significant increase, total deposits in RDA have crossed $4.5bn. We are humbled by the continuous trust and commitment of our #OverseasPakistanis. pic.twitter.com/TRQpN0Hvn5
— SBP (@StateBank_Pak) June 21, 2022
سٹیٹ بینک کا کہنا ہے کہ روشن ڈیجیٹل اکاؤنٹس میں ایک دن میں ہونے والے ریکارڈ ڈیپازٹ کے بعد روشن ڈیجیٹل اکاؤنٹ میں جمع شدہ رقوم کی مالیت 4.5 ارب ڈالر سے تجاوز کرگئی ہے۔
وفاقی وزیر خزانہ مفتاح اسماعیل کا کہنا ہے کہ آج روشن پاکستان ڈیجیٹل اکاؤنٹ کے حوالے سے تاریخی دن ہے،روشن ڈیجیٹل پاکستان اکاؤنٹ میں 57 ملین ڈالر جمع ہوئے ہیں۔
