کراچی: صدر مملکت ڈاکٹر عارف علویٰ نے پاکستان کی کم عمر مائیکروسافٹ پروفیشنل عریش فاطمہ سے ملاقات کی اور ان کی کامیابیوں کی تعریف کی۔
تفصیلات کے مطابق صدر مملکت عارف علویٰ نے گورنر سندھ ہاؤس میں پاکستان کی کم عمر مائیکروسافٹ پروفیشنل عریش فاطمہ اور ان کی والدین سے ملاقات کی۔ صدر مملکت نے ان کی کم عمری میں کامیابیوں کی تعریف کی اور ان کے کامیاب اور روشن مستقبل کی امید کا اظہار کیا۔
Brilliance is not the domain of any country. Cute, young four and a half year old, as shy as any of her age, displayed genius in the IT world. An enjoyable moment for me. https://t.co/mFfMjCC5ka
— Dr. Arif Alvi (@ArifAlvi) June 21, 2021
خیال رہے کہ شہر قائد سے تعلق رکھنے والی ننھی طالبہ عریش فاطمہ نے دنیا کی سب سے کم عمر مائیکروسافٹ پروفیشنل ہونے کا اعزاز حاصل کیا تھا۔ عریش فاطمہ نے مائیکرو سافٹ کے پروفیشنل امتحان میں شرکت کی تھی۔ مائیکرو سافٹ کے زیر اہتمام امتحان پاس کرنے کے لیے کم سے کم 700 پوائنٹس کی ضرورت ہوتی ہے، جب کہ ننھی عریش فاطمہ نے 831 پوائنٹس حاصل کر کے نیا کارنامہ انجام دیا۔
ننھی عریش فاطمہ ان ذہین پاکستانیوں کی فہرست میں شامل ہو گئی ہیں جنھوں نے کم عمری میں ایم سی پی کی سند حاصل کی۔ جب عریش کے اندر انٹرنیٹ کے ذریعے نئی چیزیں سیکھنے کی صلاحیت سامنے آئی تو ان کے والدین نے ان کے تجسس کو دیکھ کر اسے کمپیوٹر سیکھنے کی جانب راغب کیا۔
عریش کے والد خود آئی ٹی کے شعبے سے وابستہ ہیں اور انھوں نے اپنی بیٹی کی ذہانت اور دل چسپی کو دیکھتے ہوئے ان کو کمپیوٹر اسکلز سیکھنے میں بھرپور رہنمائی کی۔
A 4-year-old Pakistani girl from Karachi, Areesh Fatima has created a history as she has become a Microsoft Certified Professional at such a young age.#PrideOfPakistan pic.twitter.com/Vc4okAcnPG
— Government of Pakistan (@GovtofPakistan) April 23, 2021
عریش نے مائیکروسافٹ ورڈ اور مائیکروسافٹ آفس چلانا لاک ڈاؤن کے دوران اپنے والد سے سیکھا۔ کورونا وبا کے دوران گھر پر رہنے کی وجہ سے عریش نے اس وقت کا بہترین استعمال کیا اور اچھی یادداشت کے باعث دونوں سافٹ ویئرز میں مہارت حاصل کی۔
عریش نے اپنی صلاحیت کی بنیاد پر مائیکروسافٹ امتحان میں کامیابی حاصل کی اور دنیا کی کم عمر ترین پروفیشنل بن گئیں۔ اپنی بہترین یادداشت کے باعث عریش فاطمہ کا کہنا ہے کہ وہ 6 سال کی عمر تک قرآن پاک حفظ کرنا چاہتی ہیں۔
